2015年1月15日 星期四

150115四晴:《施政報告》走險自閹

   《施政報告》《大談「一國」》(MP頭版頭)加上點名斥港大學生刊物倡「獨」,既自我「否定」了所有民生、建設的措施,也強化了後佔中的氣勢。精於政治的AD除了頭版頭連發8條狂片,更說梁《插《學苑》撈政治本錢》,令市民更不讓其連任。
   有人或聽說我打過他的工,話佢做「到」嘢(指民生,相對於上任)窩,點解咁多人咁憎佢?的確,我也不解。
   佢真係最奸最左?我上班時只是他名義上的下屬。他有指示可透過上司吩咐,一年無須傾一句。覺得佢轉數快自負,但唔致於最衰。這許多人想佢PK,會否是因為他出身精英官校、留英、30歲就身居英資高層,但轉眼就被中方羅致,被視為殖民地精英裡的二五仔。
   誰都怕身邊有特務,反共精英恐懼自己圈子的地下黨遠過於左派出身的土共。這超強的共諜怎能讓其坐大?
   個人出身使然,撇開details裡的devil,對於梁策以房屋為本、扶助基層,我倒是贊成的,尤其是針對昨報載《沙田公屋實呎破萬》、《小六生搭巴士入$500》、在學青年爭抽居屋當六合彩的病富美(相對大陸「白富美」)社會。
   今雖無凍死骨,但實呎以萬為單位,市民除了捱樓、炒樓,有何事業、創意可言?我雖然除了自住還有瓦供家人遮頭,但看不出這種生活有意義。讓我揀,住千萬樓但囊空如洗,還不如換間新加坡式組屋(公/居屋),留下幾百萬去做愛做的事、回饋社會。

沒有留言: