2017年6月10日 星期六

170610六30°C 76%:Who's lying? 與我看日劇

    天續熱,但新聞轉靜。好!
    恭喜騎士躉:俾連劏三場後,第四場主場大幅領先,勇士拍馬難追。準備打多場啦!
    港:樓股漲不停,無人懷疑堅尼係數新高確因〈貧富差距45年最懸殊〉。官指冇收入但高資產的老人多。有理,退休中產均屬這類:擁樓近千萬,但可用的錢少。
    美:Trump vs Comey: Who is lying?我估美人的比例是4:6。港也有人想玩一玩,惜國情不同,玩唔大。
    英:重現鐵娘子的右翼輝煌賭輸咗但拒起身,最後會步鐵娘子後塵?保守黨近年自信爆棚到爆煲,脫歐、大選連爆冷。但右翼返魂陰影刺激左翼反彈,英人顯有左的心結,與同源的美國截然相反。發達大國裏,唯美國在經濟民生上走,而且根深蒂固

   冇新聞,正好放輕鬆。

   我睇日劇揀劇種同藝人,睇刑偵、職場、家庭,唔睇青春、恐怖、胡鬧。藝人有的睇唔入,但並非只愛靚。好戲奸人香川照之(在中國抗戰片裏扮過日軍,愛國亦可Like)和兩大醜男裏的遠藤憲一(中國花名鱷魚叔,其貌可知)我就很Like。反而最憎一個表情做到老的王牌靚仔木村拓哉。
    女星裡,可以欣賞靚女有村架純、澤尻(佢嘅日文姓,唔係粵語粗口)英龍華,但更愛中年甘草和久井映見(現正上演的晨間劇《雛鳥》)、優雅的阿婆八千草熏(《小小糖果店》)。當然也Like松島菜菜子、竹內結子、松隆子(《四重奏》)等中年天后(日人男高女低,女人至今仍怕三十冇人吼
   日人遠比中國人重季節。日劇分春夏秋冬上,一季多數10集完,唔似中韓幾十集,收視好就拖,衰就cut。中國話「物以類聚」確係真理。目前是夏劇尾聲。
    上季(冬季)唔啱我,呢季相反。最Like的依次是新創的《小巨人》(cast長谷川博己、岡田將生、香川照之)、《Crisis公安機動搜查隊特搜班》(cast型男小栗旬、西島秀俊)、以及第2季的《緊急審訊室》(惡婆天海佑希擔綱)。此外第2季的《警視廳搜查一課長》、第12季的《警視廳搜查一課9係》亦可消遣。
   看職場劇主要是學嘢,想明白社會。但今季冇一齣啱睇。上季最Like造型靈感取自《The Devil Wears Prada》的《賣房子的女王》(北川景子擔綱)。日前博文的調侃「林鄭,Go!」就取自惡sales北川在戲裡喝令一眾同事賣樓的口頭禪。

沒有留言: