18 resolution不想脫博。日間做事、看日劇《礫石》第七集，午後去kidsit，補家裡因事出缺的人手，回家已很晚。
三小其實很乖很cute，但黐慣阿媽同婆婆。我臨時頂上，既唔夠親，又唔熟功課，只能充保鏢。
但看大哥頭4年的PN和N，放學就黐住阿爸砌Lego。升小一後，日日做完功課先有得玩。這幾日適逢大考，更要捉住操練。只見弟妹在旁氹氹轉，面對功課實在笑唔出，唔抗拒先怪。不怕說，有啲功課我甚至睇唔明。
從旁看又覺得，今天的中產下一代，即非出身有英語背景的家庭，也怕中文。雖不等於愛英文，但覺得中文難。若此，中港矛盾怕會一代差過一代。
由此想到自己。我12歲先學ABCD，從頭來過怕只能靠綜援。感恩！
至於鄭四僭，雖再次道歉，但既來得遲，又sound reluctant，誰收貨？
因忙忽略只適用於做足方夠餬口、且有家累的基層。上層真的這樣忙，應屬業務興隆、收入豐厚，有需要也有錢請貼身祕書，公私包辦。得知老細獲邀重任，祕書會照例提醒，理清可能俾人抽秤嘅嘢，包括私隱。有唐宮、梁宮...在前，點會睇漏？
若唔請祕書、唔聽人提醒，只能說不善管理，又點當全港重任？
既成事實或者也算了，但政治上如此遲鈍，點頂得住政壇的豺狼虎豹？眼前第一場仗就是反建制誓要拖死的一地兩檢。與此同時，以佔中九子為代表的官司好戲連場。搞得不好，反會製造一批Mandela，尾大不掉。
特首昨雖在鏡頭前挺，但用詞是「理想人選」。若此，另有「最」者，只不過拒入熱廚房？
中央是否也看出，新官怕難捱四年半？
沒有留言:
張貼留言